曼聯難擋“車”
睇完西甲大戰後,今晚輪到英超重頭戲,由曼聯火拼車路士。近四次對戰,曼聯三度遇到“車”禍,只有一場倖免,與對手握手言和。今晚在奧脫福再度遇上勁敵,以球隊目前唔上唔落嘅狀態,要反“車”的確唔易。
車仔在聯賽八戰取得七勝一和不敗,攻入廿三球,只失八球,“老摩”令球隊攻守相當均衡,部署打強隊更加深謀遠慮。相反,執咗莫耶斯個爛攤子後,雲戈爾仍未能帶領紅魔重回正軌,甚至連基本人腳、陣式亦未摸索得到。今晚兩位大師級碰頭,相信“老摩”依然可佔得上風。初盤車路士誰平手/半球,推介車仔可以大破“魔”法。
曾經講過紅魔最大致命傷係防守,上場對西布朗又失兩球,似乎條防線真係無藥可救,唔通進攻就係最佳防守?今次又睇下“雲帥”有何辦法抵擋車仔嘅強大火力。
迪亞高哥斯達今戰肯定缺陣,不過,“車仔”上場歐冠盃大炒對手六球,證明球隊攻擊點瓣數甚多,以“老摩”對住強敵穩中求勝嘅風格,確實值得捧場。
推介:車路士2:1
足球評述員 Ben
留言