千嬅同古仔演情侶勁開心
楊千嬅及古天樂日前接受TVB娛樂新聞台節目《Star Talk》訪問,大談拍攝《單身男女2》感受。楊千嬅說這次跟古仔做回情侶特別開心,事關她認為在《香港仔》中飾演姊弟不公平。古仔說:“楊千嬅真係冇以前咁癲,佢以前經常收唔到掣,所以我成日問佢食咗藥未。”楊千嬅自爆:“古仔成日問我有冇試過開開吓工畀男主角開波(打),現在我知佢想開波前就要自我控制先。”
楊千嬅說今時今日的古仔比以前更幽默,講嘢更好笑,另一方面更Cool,完全是個筍盤。她反問古仔:“睇你微博,見你次次寫啲好勁嘅嘢,好似關於空氣污染,但上載張相勁Chok勁Cool,好懷疑係咪用錯相,定係咪助手幫你整上去。”古仔反駁:“相係自己整,我一放假就會坐大半日,一次過整三個月啲相,仲要自己剪裁同調色,不過係冇因應內容揀相。”戲中古仔的角色比較浪漫,現實生活中是否一樣?楊千嬅搶着說:“佢好有記性,會觀察記入腦再提醒人,佢浪漫在於有心,而唔係有形式的浪漫,而我就比較懶。”
留言