實力強橫

    培華：攞返失去嘅嘢

    首先介紹培華足球隊。培華上屆決賽與粵華鬥得激烈，兩隊要憑十二碼分勝負，最終培華飲恨屈居亞軍。對於今屆捲土重來，培華新任隊長麥梓揚豪言：“我要攞返我哋失去嘅嘢，要從谷底反彈，重新坐上冠軍寶座！”

    實力勝去年

    培華今年變動非常大，二十名球員中有九位為新隊員，教練莫健峰則認為陣容較上年更為強大，有信心打出上年水準。今年九位新球員來自不同學校，上年亦有打學界賽，實力絕對有保證，不過球員夾波時間短，默契方面為最弱一環。學校每年目標都希望球員能打晒每一場比賽，意即躋身四強，由於今年培華身處死亡之組，所以現階段目標都為小組賽出線，至於首名或次名就沒有嚴格要求。

    勤練十二碼

    所謂好波不如好運，培華去年十二碼不敵粵華，莫健峰指今年特別加強球隊的點球訓練，實力肯定勁過上年。莫健峰指首場比賽非常重要：“每年第一場都最難打，如果好似粵華咁有個好開始，無論士氣或鬥志都會直線上升，往後每一場都會打得特別輕鬆。雖然被分在死亡之組，但憑我多年經驗所得，通常小組賽輕鬆，入到淘汰賽就好易因未適應狀態出局，所以我今年並未太擔心，都有信心帶領球隊小組出線。”

    隊長：要等我

    今年升任隊長的麥梓揚五月因踢甲組受傷，七月接受手術後仍處康復期，肯定錯過小組賽。麥梓揚表示唯有靠隊友：“今年係我最後一年打學界賽，我以前都係粵華球員，上年輸畀佢哋後，我答應過其他已畢業的隊友，今年一定會攞返個冠軍。現階段的康復情況，我有可能於四強或決賽上陣，所以現時只好靠其餘十九位兄弟，努力衝入四強，等我強勢回歸！”另外今年培華九名新球員中，莫健峰點名讚揚從葡文學校轉投的尹天佑：“雖然他剛從B組升上A組，無論速度或體能方面都會較別人輸蝕，不過勝在有技術，假以時日一定有所作為。”

    培華炒對手

    培華昨日在A組B線登場，即搵高美士中葡向列強施下馬威，大勝對手六比○。同組的慈幼早早已開紀錄，最終三比二險勝浸信，打開勝利之門。