曼市打吡博和兼博大
今個星期英超首選當然係曼市打吡,雖然兩班波近期都係“吔吔烏”,表現未盡人意,但始終都係英超有頭有面有地位嘅超級豪門,兩大死敵碰頭肯定唔衰得。
曼城在周中聯賽杯以強陣迎戰紐卡素,相信“柏帥”希望球員保持比賽作戰狀態,可惜依然踢唔出任何霸氣,反映出多名球員仍未發揮出應有水準。最慘係賠了夫人又折兵,兩大進攻核心大衛施華與杜尼因傷退下火線,大衛施華今場打吡戰肯定唔打得,杜尼、沙巴列達、占士米拿及高柏尼等亦踢唔出上季水準。曼城低沉並非無因,以球隊目前狀態,對住任何一支球隊亦難言穩勝,何況今場對手係曼聯。
曼聯上場逼和車路士都算執返身彩,不過球隊明顯有好大改善,至少在防守方面加強,今仗有朗尼復出,加埋雲佩斯、法卡奧及迪馬利亞,曼聯與曼城對攻完全未驚過。
由於兩隊條防線都係最大弱點,呢場打吡戰好大機會係場“入球騷”,不妨考慮入球開大。初盤曼城要讓半球,“藍月亮”根本冇十足把握,博紅魔可以力保不敗。
推介:和波2 : 2
足球評述員 Ben
留言