荷蘭要“脫”險
荷蘭在歐國盃分組賽三戰只得三分,出線亮起紅燈,今晚主場迎戰弱旅拉脫維亞,一分都不能再失,否則出線機會變得更渺茫。球隊爭勝決心不用懷疑,教練軒迪克更講明贏唔到拉脫維亞就會請辭,前線三大攻擊手蓄勢待發,誓將對手斬瓜切菜。
拉脫維亞三戰兩和一負,只能打和兩支榜尾球隊,主場對實力強少少嘅冰島慘吞三蛋,防守相當脆弱,今戰對住非勝不可嘅荷蘭,呢條防線肯定頂唔得幾耐。初盤荷蘭讓兩球/兩球半,“橙衫軍”只要早段打開缺口,相信入球停不了,一於捧荷蘭開“大”數。
由於許勝不許和,“橙衫軍”肯定擺大個頭,洛賓、雲佩斯及亨迪拉亞應該三箭齊發,加上後排攻擊史奈積達,荷蘭要取得入球唔難,最緊要後防加重保險。因為上場對住墨西哥,防守的確有好多甩漏;不過今場對手攻力應該不足為患,球隊就算殺得性起也冇相干。
計人腳級數,拉脫維亞當然難以與荷蘭抗衡,目標只希望減低失球數字。但能力所限,實在難逃劫數。
推介:荷蘭5:0
足球評述員 Ben
留言