紅軍“水”貨讓唔起
英超上季亞軍利物浦今季認真唔掂,踢到三分一賽程祇係排十名以外,歐冠盃又處於出局邊緣,預料今季戰績再難有突破。
事到如今,唯有博歐冠分組賽能殺出重圍,起碼出線獎金夠“和味”。照計數,周中場歐冠盃作客保加利亞嘅盧多格德斯相當重要,係一場絕對不容有失嘅生死戰,所以唔排除今晚場英超有留力的可能性。況且史杜歷治與“巴神”有傷唔踢得,林拔與波連尼又冇料到,想贏波也未必咁易。
紅軍對手係水晶宮,呢支護級鐵膽之選一開季就係辛苦命,場場波也要搏命搶分。奈何球隊戰鬥力實在有限,近五戰祇得一和四負,搶分已是刻不容緩,唯有踢嘅係拼勁及鬥心。今仗祇望借助主場之利,攞一分都好過冇。初盤利物浦讓半球,記得上季紅軍作客呢支倫敦球會,在領先三球的情況下,竟在完場前十分鐘,神奇地被水晶宮逼和,就係呢兩分令紅軍徹底失去冠軍希望。唔到你唔信邪,呢個葬身之地的確對利物浦非常不利,今場不妨敲冷,再博水晶宮。
推介:和波1:1
足球評述員Ben
留言