維拉“修”復失地
英超明晨上演獨腳戲,由近期戰績差到冇朋友嘅阿士東維拉,主場迎戰呢期勁到爆炸嘅神奇球隊修咸頓,一隊沉到不得了,一隊當起又當勇,理應修咸頓可以睇高一線;不過以人腳比較,又有天時地利嘅維拉根本有力與對手一拼,更着數係初盤受讓半球 / 一球,一於捧維拉可以反彈。
冇錯,之前六連敗嘅維拉的確輸到阿媽都唔認得,但上場作客韋斯咸攞到一分,證明球隊還未輸到垂頭喪氣,依然充滿鬥志,只係狀態問題有待提升。而陣中唔少球員都係身經百戰,包括艾邦拉荷、尼索比亞、奇華利及辛達路斯等,踢英超已唔少日子,只要回復應有水準,對住修咸頓一定有得打。
修咸頓陣中球員名氣並非響噹噹,但能夠守住聯賽榜第二位確實唔簡單,當然歸功於荷蘭教頭朗奴高文領軍有方,全攻全守嘅踢法在英超果然奏效;不過,長勝始終都要講耐力。
球隊五連勝的確夠強勢,但過去五場對手實力大家心中有數。講真,唔信修咸頓作客可以讓得起維拉。
推介:阿士東維拉1:0
足球評述員 Ben
留言