捧曼城“修”三分
英超今晚有場“阿二鬥小三”,近六戰取得五勝一和未輸過嘅修咸頓希望繼續神奇之旅,主場迎戰漸有起色嘅曼城,要保住“阿二”個位,今仗至少要保住不敗。
近兩次在聖馬利球場對住曼城,修咸頓取得一勝一和確有優勢,加上目前士氣,的確與“藍月亮”有得砌。修咸頓近六戰表現不俗,但考慮到對手實力,上場對維拉都要幾經艱苦才能追和,以球隊真正能力配唔配做“阿二”真係見仁見智。今晚對住強大陣容嘅曼城,是龍是蛇自有分曉。
繼上周聯賽擊敗史雲斯打破悶局後,周中歐冠盃又反勝拜仁,曼城氣勢不遑多讓。為要追貼“車仔”,今仗必會嚴陣以待,趁住多名主力回勇,曼城今晚值得睇好。憑住阿古路全面爆發,個人連中三元協助曼城擊敗拜仁,令球隊在歐冠盃起死回生,今仗肯定係修咸頓防線心腹大患。至於“林伯”、拿斯尼及拿華斯同樣有出色發揮,今仗仲有中場大將Y杜尼上陣,有望取得三連勝。初盤曼城小讓平手/半球,不妨博“藍月亮”可以抗“咸”潮。
推介:曼城2:1
足球評述員 Ben
留言