曼聯再下一“城”
繼曼聯三蛋贈侯城後,同市“兄弟”曼城亦不甘示弱,以同樣比數征服修咸頓,曼市雙雄終於返嚟了。周中英超加開快車,紅魔鬼曼聯繼續“打莊”在奧脫福擺陣,迎戰中游實力分子史篤城,近六次主場對史篤城贏足六場,今場又趁住強勢回歸,應可再“篤”定三分。
史篤城在英超要爭上位確未有足夠能力,但又未至於在榜尾位置掙扎,只求安份守己踢好每一場,惜球隊剛遇兩連敗,無論狀態與士氣明顯不及曼聯,今仗要逃出“魔”掌實在不易。初盤曼聯讓一球/球半,繼續捧曼聯勝完再勝,唔好畀佢停。
曼聯對住侯城又輪到“天使”迪馬利亞中招,傷兵潮一浪接一浪,幸好球隊中場兵源夠充足,包括上場後備上陣的靴里拉與費查,還有贊奴沙等,相信影響唔會太大。朗尼繼續保持佳態,雲佩斯又終於打破入球荒,加上法卡奧已經復出,曼聯今戰依然夠殺。史篤城近期因受到傷兵影響,戰績明顯下跌,近五戰一勝一和三負,實在難與曼聯對撼。
推介:曼聯2:0
足球評述員 Ben
留言