車仔讓多小心有“刺”
英超領頭羊車路士上場失控撞“蘭”,白白唔見兩分,爭標兩大勁敵曼市雙雄又齊齊贏波,領先距離開始收窄。雖然仍有六、七分之差,但為免夜長夢多,必要“揼油”加快車速,明晨的倫敦打吡戰恭候熱刺,三分志在必得。
不過,熱刺近七戰取得六勝,球隊狀態與戰意實在不容忽視,車仔要贏波相信絕非輕易。初盤車路士讓一球/球半,贏波輸盤機會比較大,不妨博熱刺執返半個盤。
車仔主場確實無敵手,六戰六勝,攻入十五球只失三球,進攻銳利兼防守力十足。但迪亞高哥斯達今仗停賽,老將杜奧巴衝刺力明顯減弱,利美埋門一腳始終稍欠質素。加上“老摩”對住實力派球隊,一向但求穩勝,預料贏波都係一球上落。
又要兼顧歐戰,又要在聯賽爭分搶位,熱刺能夠保持目前狀態,證明班底都夠深厚。事實上,陣中球員級數並非二三流之輩,至少大半隊都係國腳級人馬,只係平均質素不及車仔。但只要踢出拼勁,未必冇得踢。
推介:車路士2:1
足球評述員 Ben
留言