皇馬連勝冇爛“美”
皇馬因為要打世界冠軍球會盃,今輪西甲聯賽安排明晨上演,對手只係護級分子艾美利亞,如無意外,連勝紀錄又加一場。
十四場聯賽只得十分,排尾四嘅艾美利亞以實力嚟講,基本上對住皇馬係無能為力。上季兩次碰頭共輸○比九,除非皇馬今場網開一面,否則艾馬利亞又將大敗一場。初盤皇家馬德里讓兩球,火力勁到爆嘅“銀河戰艦”相信會繼續連珠炮發,最少三球冇走雞。
排在下游位置,艾美利亞戰鬥力有幾多毋須多講,就算今仗主場亦唔惡得去邊,今季主場都未贏過,都係講吓皇馬威水戰績。十九場連勝,攻入七十一球,只失九球,皇馬將西甲與歐冠紀錄一破再破,現在目標就係世界紀錄。二○一一年巴西球會哥列迪巴在各項賽事中,連贏廿四場,皇馬只要贏多六場,就可以登上健力士世界紀錄。皇馬目前打到天下無敵一樣,“C朗”入波入到收唔到掣,仲有賓森馬、巴利、洛迪古斯及卻奧斯等,個個都係超級恐怖分子,對住艾美利亞呢支二三流球隊,真係要幾多有幾多。
推介:皇家馬德里4:0
足球評述員Ben
留言