皇馬三球唔啱“素”
世冠盃明晨展開王者爭霸,一如既往又係歐洲與南美球會之爭,由皇家馬德里對阿根廷勁旅聖羅倫素。
牌面上,強勢銳不可擋嘅皇馬的確係超班,捧盃指數應該有九成以上。不過,初盤開出皇馬硬讓兩球半,由於一場過決賽,贏盤確有一定風險。聖羅倫素明知實力不及對手,必會採取穩守踢法,隨時擺出九零一陣式,但求先保住不失,不妨小注聖羅倫素輸波贏盤。
皇馬在四強戰不用吹灰之力,四球打發藍十字返墨西哥,繼續向連勝廿五場破健力士世界紀錄邁進,門將卡斯拿斯有望第七百場為皇馬上陣同樣極具意義,當然希望捧盃而回,加上“安帥”亦講到明誓奪今屆世冠盃,“銀河艦隊”確實不勝無歸。
估唔到聖羅倫素上場贏奧克蘭城,贏得咁艱苦,睇落去完全冇南美勁旅本色。但踢波每場踢法唔同,最緊要睇對手分别,對奧克蘭城踢主攻屬於正常,但對住皇馬又點會不自量力,鬥駁拳肯定冇好處。預料將會集重兵力緊守防線,一於與皇馬抗爭到底,輸都輸得好好睇睇。
推介:皇家馬德里2:0
足球評述員 Ben
留言