馨平爆嘉穎冇拍拖
王馨平亮相有線高清娛樂台愛情紀實節目《往事 · 並不如煙》,與主持黎燕珊暢談愛情觀,並細訴和鄭嘉穎之間的一段舊情。她坦言二人再見亦是朋友,現今還會不時相約見面。
王馨平入行後曾與鄭嘉穎交往,當時被外界封為金童玉女,不過有傳戀情遭馨平父親王羽反對而最終分手收場。但馨平表示自小個性反叛,不可能被爸爸左右情感:“我同嘉穎件事隔咗咁耐,我都唔好意思再提。其實當時Daddy係唔支持我哋,因為我入行前佢要求過我,唔可以同圈中人拍拖,不過感情事冇人控制得到,Daddy都控制唔到我同邊個拍拖。雖然我同嘉穎分開咗,不過我哋到依家仲有見面。好多人會問我知唔知佢依家有冇拍拖,我好少主動問佢感情事,不過上次同佢見面食飯,佢就答我冇拍拖,仲叫我介紹女仔畀佢識。”
留言