英超轉會情報
歐洲五大聯賽當中,英超轉會消息一向特别熱鬧,不過今年踏入冬季轉會市場開始,反而比較靜,今日就同大家講吓英超最新轉會情況。
車路士與曼城一向都係轉會大戶,但目前排榜首嘅車仔應該唔會有動作,老摩對現時人腳與成績都感到相當滿意,三線人員及後備力亦充足,辣“車”短期內唔會翻新。
曼城因為受到歐洲足協限制,所以有所收斂,但一樣咁豪,最新消息係出價二千五百萬鎊,收購效力史雲斯嘅科特迪瓦前鋒邦尼;老而彌堅嘅“林伯”會一借到底,曼城與紐約FC經已達成協議,“林伯”繼續再戰英超。
季初重本引援嘅曼聯傳出與拉莫斯扯上關係,不過成事機會唔高,加上球隊開始有反彈跡象,雲戈爾暫時可以睇定環境。
雲格一向都係量入為出,冬季有意收購一名頂級後衛,目標就係士砵亭嘅葡萄牙國腳卡華奴,據聞已經報價二千萬鎊,兵工廠下半季應該會多一個新“槍手”。
利物浦今季令人大失所望,但領隊羅渣士講到明冬季唔入貨。
足球評述員Ben
留言