馬體會贏“特”兩球
休戰兩星期後,西甲聯賽今晚重開,衛冕冠軍嘅馬德里體育會率先登場,主場迎戰下游球隊利雲特。為要力追榜首皇馬,三分非取不可。
利雲特目前排第十五位,距離降班線祇有兩分之差,必須搶分自保,奈何球隊戰鬥力有限,近六次作客馬體會亦全部敗北,今仗實在凶多吉少。初盤馬德里體育會讓球半/兩球,新年流流梗係要“馬”到功成。歇冬前馬體會作客大勝畢爾包四個一皮,射手基斯文表現突出連中三元,另一攻擊手文迪蘇傑及墨西哥小子占美尼斯都屬於有級數射手,仲有“落難王子”托里斯回歸,馬體會進攻線有足夠嘅火力。況且球隊主場威力相當勁,今晚對住實力低一層次嘅利雲特,的確最少贏兩球先收貨。
利雲特近五場各項賽事全部和波,五場對手都屬平庸之輩,戰力有幾多有數得計。球隊進攻乏力,聯賽至今祇攻入十二球,防線同樣脆弱,至今已失三十球,在西甲中,進攻與防守都係最弱三隊之一,試問又有何能力挑戰馬體會?
推介:馬德里體育會3:0
Ben
足球評述員
留言