巴塞斬瓜“切”菜
明晨繼續有西班牙盃十六強上演,輪到巴塞羅那上場,對住聯賽榜包尾嘅艾爾切,一於將上場輸波嘅怨氣,一炮過發洩在對手身上。
無論講球會財力物力、人腳實力,艾爾切要與巴塞相比,簡直係蚊髀同牛髀,今場作客去到魯營球場,都要有心理準備會慘敗而回。初盤巴塞羅那讓兩球半/三球,兩隊在聯賽揭幕戰碰頭,巴塞半場踢少個亦能輕取三球,睇怕今戰贏波贏盤“依絲執”。
巴塞上場聯賽不敵皇家蘇斯達,據聞係受到高層變動影響,多餘啦!一個有責任嘅職業球員,又點會受到外圍因素影響?整體表現差,輸波就輸波,何況皇蘇都係一支主場極惡兼實力派球隊,巴塞作客輸波根本唔出奇。不過,今仗主場出擊,兼且球員質素與整體技術都高對手一班有多,所以勝算十足。
如無意外,艾爾切今場部署以死守為主,實行以九零一戰術,希望將失球數字減到最低,博次回合主場有奇蹟出現。但以聯賽十七場共失卅四球嘅高企數字,呢條防線又點靠得住?
推介:巴塞羅那4:0
足球評述員Ben
留言