“天鵝”擋“車”
英超今晚又再開打,“一哥”車路士要作客史雲斯,望能一嘗當地名菜威爾斯“燒鵝”。不過,呢隻“鵝”絕對唔易啃,史雲斯近九仗主場只曾一敗,“自由”波地向來有一定威力,另一倫敦勁旅阿仙奴亦曾經葬身在此,車仔要全取三分絕對不易。初盤車路士要讓一球,捧史雲斯主場拆“車”。
首循環“天鵝”作客史丹福橋,輸畀車仔係意料中事,但能攻入對手兩球,證明“天鵝”戰鬥能力的確唔差。特別對住前列強隊,曾殺敗曼聯與阿仙奴,輸畀修咸頓只因踢少個,曼城亦只能驚險反勝“天鵝”,所以今場主場對車仔未必輸得晒。雖然有射手邦尼轉投曼城,但高美斯一樣步大力雄兼爆發力十足,配合技術全面嘅施古臣,一剛一柔,有力攻破車仔防線。當然,最重要加強中後場防守能力,至少攞一分唔難。
車仔近三場作客只攞得四分,踢作客說服力的確唔夠,尤其上場輸畀熱刺,簡直係驚呆上半場,特别條防線害死唔少投資者。一句講晒,呢部“客車”冇必要唔好上。
推介:史雲斯2:1
足球評述員 Ben
留言