曼城要搶“仙”
英超今晚又有巨戰上演,曼城火併阿仙奴,兩隊各有所需,一隊要追“車”,一隊要爭前四,激戰在所難免。
首循環兩隊合演一場精彩之戰,射門次數達三十次,中目標亦有過半數,最終打成二比二平手。形勢上曼城雖然作客,但各方面統計藍月亮都稍稍佔優,證明人腳實力比起阿仙奴較為平均,所以今仗返到自己主場,值得睇高一線。曼城雖然有“阿耶”與新加盟嘅射手邦尼要踢非洲盃,但復出嘅大衛施華表現非常出色,更獲得球隊十二月份最佳球員;祖維迪,拿斯尼及拿華斯等狀態相當穩定,加上阿古路,高帕尼與迪斯高經已傷癒,今仗可隨時候命,藍月亮有足夠兵力攻陷兵工廠。
阿仙奴方面,上場憑住“阿山”梅開二度,三球輕取史篤城,可惜後防球員迪保治再度受傷,十字軍名單中又多一件。之前已經有隊長阿迪達,韋舒亞及韋碧克等唔踢得,雖有奧斯爾與華確特可以披甲,可惜狀態未足,遇強變弱嘅阿仙奴今場作客實在難有作為。初盤曼城讓半球/一球,捧藍月亮有“仙”機。
推介:曼城3:1
足球評述員Ben
留言