拖肥誓剪“布”

媒體

分類

新聞

英超今晚由愛華頓對西布朗，兩隊目前都處下游位置，實際上正在護級區掙扎，為要提早脫離危險地帶，今戰相當重要，尤其主場愛華頓，半季踢到如此下場非要急彈不可，今場誓要搶足三分。

西布朗上季僥倖逃出生天，以三分壓倒諾域治成功護級，可惜今季繼續要掙扎求存，反映球隊戰鬥力實在有限，今仗作客愛華頓，首循環西布朗主場淨吞兩蛋，今場要攞一分睇怕都相當艱難。初盤愛華頓讓半球，捧“拖肥糖”可以撕“布”。

數吓數吓，拖肥糖已經連續七場未“甜”過，最慘足總盃又被“錘仔幫”淘汰，球隊確需要一場勝仗沖喜，對住實力不外如是嘅西布朗，唔贏冇得贏。

西布朗今季開始由護級專家佩利斯領軍後，果然有料到，先在足總盃大炒對手七球，跟住聯賽又以一球小勝侯城，奪取寶貴三分。佩利斯當然希望能夠取得三連勝；不過，愛華頓嘅實力，好明顯比起西布朗之前兩場對手較強，且踢作客，西布朗受讓都要唔過。

推介：愛華頓2:0

足球評述員 Ben