熱刺“菲”要不可

媒體

分類

新聞

明晨繼續有英格蘭聯賽盃四強首回合上演，英超實力派分子熱刺坐鎮主場，接受英甲球隊錫菲聯越級挑戰。

近六仗主場取得五勝一和，連英超榜首車路士亦成為腳下敗將嘅熱刺，只要繼續踢出主場氣勢，再加上整體質素，首回合應可順利勝出。

錫菲聯雖然只係一支甲組波，但能夠在八強淘汰今季英超奇兵修咸頓，以及在足總盃作客三球大勝昆士柏流浪，呢支甲組仔似乎唔簡單，熱刺非要打醒十二分精神不可。初盤熱刺硬讓球半，次回合踢作客未必有優勢，為免夜長夢多，今場勢必先斬後奏。

同二、三線球會一樣，盃賽亦係熱刺最大希望，總好過年年都兩手空空。只要過埋呢關，就有機會“叫餬”捧盃，相信領隊普捷天奴會把握呢個機會，嚴陣以待，以最強人腳應戰，一場過打沉對手。

錫菲聯在英甲只排第七，能殺入聯賽盃四強，應該算功德圓滿。當然，球隊希望有幾遠走幾遠，所以一定搏到底，正所謂“博一博，單車變摩托”。不過，博到先講。

推介：熱刺3:0

足球評述員 Ben