西維爾“愛”作戰
今日繼續推介盃賽系列,轉戰西班牙盃八強首回合,愛斯賓奴對西維爾。講往績,西維爾完全食硬愛斯賓奴,近十戰取得七勝三和不敗。雖然往績只作參考,但睇返今季兩隊在聯賽表現,西維爾的確“對辦”得多,尤其在聯賽首循環碰頭,有主場之利嘅愛斯賓奴輸波又輸勢,證明整體實力始終不及西維爾平均。今場初盤開出只係平手盤,一於捧西維爾坐和望贏。
愛斯賓奴在西甲屬於一支典型嘅欺善怕惡球隊,對住較弱嘅對手都有正常發揮,但遇上前列強隊,表現就較為飄忽,唯一可取係上圈淘汰華倫西亞,今仗對住踢盃賽特別醒神嘅西維爾,只望能保住主場不敗。
西維爾近期“弗”到爆,近十場取得九勝一和,雖然所遇對手唔強,但狀態保持非常穩定,能夠站在聯賽前四,並非浪得虛名。至於今場必捧西維爾嘅重點,就係上次對住愛斯賓奴,完全一面倒佔優,無論射門與中目標次數,都多於對手三倍。唔到你唔信,的確食硬愛斯賓奴。 推介:西維爾1:0
足球評述員Ben
留言