阿仙奴收大“禮”
今日繼續推介英格蘭足總盃,衛冕冠軍嘅阿仙奴將作客英冠球隊白禮頓,真真正正連下三“城”。阿仙奴重現“Big 4”本色,近六戰取得五勝,都算強勢回歸,以白禮頓呢支毫無殺傷力嘅球隊仔,想越級挑戰兵工廠簡直妄想。初盤阿仙奴只讓一球,簡直超筍盤,捧硬兵工廠收大“禮”。
白禮頓今季在英冠都未踢得掂,目前只排下游位置,隨時都要踢護級。但其實睇返白禮頓班波,人腳唔算差,艾朗曉士、路亞路亞、艾古斯甸等曾在英超身經百戰;加上卡達朗、高隆加及阿尤斯三名西班牙援將,唔打得都睇得。可惜球隊戰績都未能有突破,想挑戰“槍手”根本無能為力。
阿仙奴上場聯賽作客曼城真係勁到爆,踢到藍月亮要寫個服字,亦不得不讚雲格精心部署,穩守突擊相當成功,兼且又贏在把握力。當然,今場波因對手問題,預料都會反客為主狂攻對手,最少一、兩球冇走雞。
推介:阿仙奴2:0
足球評述員 Ben
留言