巴塞作客隨時墮“馬”
西班牙盃八強重量級之戰,馬德里體育會再戰巴塞羅那。首回合馬體會作客落後○比一,今仗必要齋贏兩球,雖然難度比較高,但唔好忘記,馬體會主場的確惡到出汁,巴塞近三次去到卡達朗球場,只係兩和一負未贏過,唔多唔少都有戒心。何況初盤巴塞仲要讓對手平手/半球,必捧馬體會坐和望贏。
今場係兩隊今個月內第三度交手,之前兩場馬體會都係失利,但相信唔會打擊“床單軍”嘅整體士氣,尤其是首回合輸個爭議性十二碼,反會激勵今場爭勝決心。馬體會近幾場比賽輪換幅度比較大,但球員發揮依然相當出色,特別係前線三大攻擊手,文迪蘇傑、基斯文與回歸嘅托里斯,增強競爭性後更能夠踢出應有水準,所以今場對住巴塞絕對有信心可以破門。
巴塞近六戰全勝,包括三球炒艾爾切、雙殺馬體會及屠宰拉科魯尼亞,艾爾切與拉科魯尼亞兩支弱隊,巴塞根本食硬冇黐牙。至於兩勝馬體會當然在主場有一定作用,今次作客硬撼,就未必有優勢。
推介:馬德里體育會1:0
足球評述員 Ben
留言