千嬅拉秀文組Twins
楊千嬅的紅館騷前晚是第四場,見到特別嘉賓鄭秀文(Sammi)出場,千嬅立即眼泛淚光,兩人搞笑地說要組成“人瑞版Twins”。
前晚的演唱會除了Sammi做嘉賓令千嬅又喊又笑,早前千嬅拍攝的電影《五個小孩的校長》,戲中五位小演員開騷前亦拉隊到後台探班,齊聲大叫“千嬅校長”,又合唱生日歌和送生日卡,預祝千嬅下星期的生日,十分可愛,令千嬅非常感動。
早前完成跨年演唱會後外遊度假返港的Sammi,精神飽滿地以型格打扮出場,唱出《終生美麗》,全場驚喜。唱到一半時,千嬅從舞台另一端升上台,兩人手拉手合唱後擁抱,期間千嬅感動到眼濕濕,被Sammi取笑:“搞乜鬼呀你!”千嬅回答說:“我真係太開心啦!我知你好忙,做完騷應該係休息時間,所以我唯有託經理人林珊珊間接問你。我的演唱會可以請到你,已無遺憾啦!”
千嬅又解釋點解會請Sammi做嘉賓:“其實我除咗喜歡佢,還因為我出道時,好多人都將我們兩人搞亂咗。真係咁似咩?不如我哋組成Twins啦,長做長有,雖然我們有些少超齡!”
千嬅笑說:“我成日見到網民寫樂壇人瑞,你知啦,做到人瑞係好大成就,我都不知幾想,咁可以對個仔耐啲!”全場大笑。
留言