車仔不敢怠“曼”
英超今輪重頭戲,兩“藍”大戰今晚爆發,“藍戰士”車路士火併“藍月亮”曼城,今場勝負足以影響爭標大勢,領先五分嘅車仔當然形勢較好。對於曼城嚟講,今場等於六分波,爭勝壓力相對較大,隨時影響發揮,加上近三戰只得兩負一和,整體士氣及狀態稍為不足,要攞足三分實在不易。而“老摩”一向對住勁敵都奇招百出,針對部署的確值得信賴。初盤車路士讓半球,博車仔可以攻破“城”池。
車路士今場最大優勢就係主場之利,聯賽十戰全勝,攻入廿四球只失三球,呢個主場戰績足以令捧場客加強信心。至於迪亞高哥斯達停賽而影響前線攻力,小弟認為問題不大,始終夏薩特、杜奧巴,甚至利美仍有一定威脅,“老摩”其實最重要就係中後場嘅結構。
如果計人腳缺失重要性,相信曼城少咗Y杜尼影響更大,拿斯尼亦因傷缺陣,中場唯有靠大衛斯華力撐到底。首循環曼城曾迫和車仔僥倖逃過一劫,今場作客未必咁好彩。
推介:車路士2:1
足球評述員 Ben
留言