古天樂電暈佘詩曼
古天樂與佘詩曼在電影《衝上雲霄》中飾演一對舊情人,兩人在飛機上重遇,並愛火重燃,重返當年整朱古力的地方回味甜蜜片段,當中有一幕拍古仔冒着大雨為阿佘拔出卡在階磚中的高跟鞋,令阿佘十分感動。
戲中的古仔連環出招冧女友,阿佘坦言被電到無法招架。她說:“剃鬚膏大戰那場戲好有拍拖Feel,我翻睇都覺得好甜蜜。如果現實生活有咁浪漫就好啦!可惜還未遇到好似戲中的古仔咁令我傾心的帥哥男友!”
古仔卻坦言兩場戲都是好睇唔好受。他說:“落泳池梗係要除衫啦,結果凍到我哋牙都震,仲要扮陶醉。現場幾十人又打燈又收音,太搞笑啦!之後剃鬚膏大戰好難忘,劇情講我攬住阿佘跌倒,點知計錯數,撞到佢暈陀陀!”
阿佘笑說:“初時知道要同古仔合作,我真係有點驚。剃鬚膏大戰那場戲,我被撞到後,佢不斷向我Say Sorry,我講笑話要佢照顧我下半生!其實冇所謂啦,最緊要拍出來的效果靚。”
留言