加納道高一“赤”
非洲國家盃已進入四強階段,整體實力並非突出嘅主辦國赤道畿內亞,憑住天時地利人和,能夠殺到入四強,總算對鄉親父老有所交代,但明晨決戰奪標熱門之一嘅加納,要爭入決賽睇怕相當艱難。
加納在八強踢出霸氣,以三球輕取畿內亞,四三三陣式,大踢進攻足球的確值得捧場,單計入球能力一定比主隊強。初盤加納讓半球,一於捧加納九十分鐘內可以解決對手。
論球員名氣,赤道畿內亞明顯不及加納,雖然都有部分球員在歐洲搵食,但所效力球會都係低一層次。曾經踢過西甲馬洛卡、目前效力米杜士堡嘅尼素爾,以及在皇家馬德里B隊嘅比利馬已算較有份量,而其他球員質素只屬一般。分組賽能殺出重圍,只因對手實力較弱,今仗對住非洲足球強國之一嘅加納,應該四強止步。加納雖然有艾辛與保定未入選國家隊,但仍然有基恩、艾沙莫亞、文巴度、艾素及阿休兄弟等效力歐洲名牌球會球員坐鎭,級數無疑比赤道畿內亞高,贏面當然睇高一線。
推介:加納2:0
Ben
足球評述員
留言