蜜蜂兵要炒“緬”
德甲班霸拜仁慕尼黑今季真係無敵是最寂寞,因為近年唯一競爭對手嘅多蒙特今年大玩“插水”,長期流連在降班區。“蜜蜂兵”搞到如此地步,確令球迷大失所望,目前環境最緊要繼續留低在甲組。
聯賽經過五場不勝後,蜜蜂兵終於在上仗贏出漂亮一仗,作客三球大勝費雷堡,打破近期悶局之餘更可以提升整體士氣,反彈係時候。明晨主場迎戰實力一般嘅緬恩斯,實行乘勝追擊,勢必再搶三分脫離降班區。
緬恩斯近十一場聯賽只得一勝四和六負,實際上比多蒙特更低迷。今戰對多蒙特亦有唔少隱憂,正選門將卡里奧斯需要停賽,荷夫曼、摩列斯及森比里奧三大中場齊齊因傷缺陣,頭號射手岡崎慎司在亞洲盃回歸後表現下跌,已被貶為後備,緬恩斯基本陣容不整。
雖然首循環緬恩斯曾經兩球擊敗多蒙特,但整場比賽多蒙特佔絕大攻勢,全場多達二十次攻門,只係埋門一腳把握欠缺運氣,經過上場大勝對手後,應可重拾信心。初盤多蒙特讓球半,一於捧蜜蜂兵可以大“恩”大得。
推介:多蒙特3:0
足球評述員 Ben
留言