小心紅軍潛“水”
英格蘭足總盃今晚上演十六強,揀咗場水晶宮對利物浦推介畀大家。相信大部分投資者都較為睇好利物浦可以過關,但唔好忘記足總盃係爆冷溫床,今屆已爆出過多場冷門,加上利物浦近五次作客水晶宮,只得兩和三負未贏過,水晶宮受讓的確值得捧場。
兩隊在聯賽首循環碰頭,水晶宮以三比一擊敗紅軍,贏得相當清脆俐落,賽後連羅渣士都承認輸得心服口服。水晶宮為要保住英超位置,冬季轉會市場再度增強實力,加入韓國國腳李青龍、阿仙奴借將辛洛高及塞內加爾國腳蘇亞利,令前中後三線實力有所加強,配合查馬克、沙夏、費沙甘保、基利與夏治蘭等身經百戰嘅沙場戰將,水晶宮整體戰力絕對不容忽視。
數吓數吓,紅軍已連續十五場各項賽事保持不敗,狀態都算保持得相當平穩。不過,近三場作客只得一勝,唔係踢多一人情況下,亦未必能夠反勝保頓,對紅軍踢作客始終信心不足。初盤利物浦讓半球,捧水晶宮坐和望贏。
推介:水晶宮一比〇
足球評述員 Ben
留言