郭富城想做老竇

媒體

分類

新聞

城城騎電單車型格出場

抱着小朋友與財神合照

城城祝大家金銀滿屋

承認鍾意小朋友

郭富城想做老竇

昨日，郭富城穿上一身金色唐裝到商場出席賀年活動。他更騎着重型電單車出場，十分有型。大會又安排十二個小朋友以不同生肖造型出場，城城看到後即抱起其中一個，父愛氾濫，並坦言好鍾意小朋友。

城城昨日在賀年活動中，主持舞龍醒獅點睛儀式後，大派利市，立刻被市民包圍索取，場面十分熱鬧。當他看到現場有中、西兩財神時，即上前抱緊對方，笑言要沾點旺氣，十分搞笑。大會更安排了小朋友扮十二生肖上台搞氣氛，城城看到可愛的小朋友後，即抱起當中的一個，笑言：“咁客氣呀，知我冇小朋友，送個仔畀我。”

活動完畢後，城城接受傳媒訪問。談到剛才他現場父愛氾濫，抱緊小孩不放，問他是否有衝動做爸爸？城城笑言：“我係好鍾意小朋友，但呢啲事唔能夠強求，一切天注定。（媽咪可有催促你早日結婚生仔？）媽咪冇催我，只係擔心我舊年演唱會時受嘅腳傷。其實過咗一年，腳傷差唔多好返晒。”

另外，城城自曝在年卅晚相約練馬師一同秘密逛花市，他笑言自己出動特技化妝並戴上口罩，所以未有被市民認出來。問他可有買花催旺桃花運，城城笑言新年當然想行桃花運，不過指的不是姻緣，而是觀眾緣。