阿仙奴難有勝算
歐冠盃十六強首回合明晨繼續上演兩場大戰,其中由雲格帶領嘅阿仙奴將在主場對住舊班主嘅摩納哥。為避免次回合作客難打,“兵工廠”必會全力搶攻,誓要取得領先優勢。
摩納哥方面,當然希望作客能夠全身而退,預料先會採取以守代攻,但求力保不失。摩納哥在去年酋長盃曾經在酋長球場以穩守突擊踢法,一球力挫阿仙奴,不過當時入波功臣法卡奧已外借曼聯,攻力唔多唔少有折扣,今場和波算係功成身退。初盤阿仙奴讓一球,阿仙奴齋勝兩球唔容易,不妨小敲摩納哥可以守和到手。
阿仙奴近況的確極有氣勢,近九場只輸過一場畀熱刺,其餘八戰全勝。不過,今場對手唔同“格式”,法甲球隊踢法唔同英式,特別在防守較為着重。摩納哥防守更加係強項,廿五場聯賽只失十九球,不單係法甲球隊中失球最少一隊,而且亦係作客戰績最佳一隊,證明葡籍教頭查迪姆踢作客部署方面特別有心得。“兵工廠”今場實在毫無必勝把握。
推介:和波0:0
足球評述員Ben
留言