巴塞讓多有暗湧
今季西甲差唔多進入倒數階段,兩大敵對派巴塞與皇馬正鬥得難分難解,下一輪嘅國家打吡大戰,肯定又全球矚目。
暫時以一分領先嘅巴塞想要坐穩“龍頭”之位,明晨對住仍要搶分護級嘅伊巴,就要確保全取三分。伊巴雖然排第十四位,但與降班線只有三分之差,仍未脫離危險期,所以必須搶得一分得一分。當然,去到魯營球場對住巴塞,要攞一分實在相當艱難,但求死守博和,或者將失球數字減到最低。初盤巴塞羅那讓兩球/兩球半,首先提提大家,巴塞下周中要打歐冠盃十六強次回合賽事,將要迎戰英超勁旅曼城,跟住就要決戰皇馬,呢兩場重頭戲,相信會影響今場對伊巴嘅部署,稍作留力亦不足為奇,球員拼搏程度未必去到盡,隨時見好就收,贏到三球先有純利,不妨小敲下盤伊巴。
伊巴嘅戰力明顯不及巴塞,但拼輸嚟打或有更佳效果,況且球隊防守能力其實唔差,廿六場聯賽只失卅六球,中下游球隊中都算相當穩健。今仗再加強一下防守,料不致於會大敗收場。
推介:巴塞羅那2:0
足球評述員 Ben
留言