馬體會“遜”得過

媒體

分類

新聞

歐冠盃十六強次回合明晨上演兩場生死戲，阿仙奴作客摩納哥誓要絕地求生；落後一球嘅馬德里體育會，展開“地頭”反擊戰，全力撲擊利華古遜。

阿仙奴首回合主場落後一比三，賽果的確感到意外，但實戰情況，摩納哥發揮相當出色，十射七中，命中率達到七成，比阿仙奴明顯更具威脅性。由於阿仙奴今仗非要狂攻不可，隨時令防線出現更多漏洞，好可能會再度失手。初盤阿仙奴讓平手／半球，捧摩納哥至少可執半個盤。

馬體會要衛冕西甲聯賽已變得渺茫，相信會集中火力攻歐冠盃，上場聯賽收起文迪蘇傑、杜蘭、施古爾拉及魯爾加西亞等主力，擺到明今場全面搏殺，以球隊主場威力，一球波應該問題不大。

表面上利華古遜近期走勢頑強，但除首回合擊敗馬體會外，其餘三場勝仗，對手都係德甲三支包尾球隊，在德國盃被德乙球隊悶和，即係話近五戰四勝一和嘅佳績，只係對手實力問題，今場對住主場窮凶極惡嘅馬體會，利華古遜難保不敗。

初盤馬體會讓半球／一球，捧“床單軍”必勝無疑。

推介：摩納哥 1:1 阿仙奴馬德里體育會 2:0 利華古遜

Ben

足球評述員