紅牛讓過一球有困“蘭”
歐國盃外圍賽C組明晨上演好戲,兩支出線熱門西班牙與烏克蘭展開對陣。由於兩隊同樣落後榜首斯洛伐克三分,今戰雙方實在不容有失。尤其主場嘅西班牙,誓必要全取三分,因為次循環去到烏克蘭未必可以十拿九穩。
論實力,“紅牛”西班牙無疑較平均,加上又有天時地利人和,的確可以睇高一線。不過初盤開出西班牙硬讓球半,捧紅牛贏盤卻有一定風險。始終烏克蘭屬於一支實而不華球隊,踢法機動兼戰術系统化,今仗作客肯定有備而戰加強部署,特別在防守方面,紅牛要贏一球以上未必咁易。想贏盤,不妨考慮烏克蘭。
從名單所見,西班牙嘅攻擊線似乎比較薄弱,迪亞高哥斯達因傷缺陣,只能靠巴塞長期後備柏度、皇馬棄將摩拉達及首次入選嘅祖安美。火力明顯有所削弱,要攻破必定嚴密防守嘅烏克蘭大門,確有不小困難。
由天莫舒卓克、卡查列迪及舒夫卓克等名將領軍嘅烏克蘭,在六場分組賽只失一球,防線相當硬淨,今仗絕對有能力抵擋紅牛衝擊。
推介:西班牙1:0
足球評述員 Ben
留言