荷蘭破“土”而出
荷蘭在今屆世界盃勇奪季軍,發揮令人滿意。可惜出現世盃後遺症,在歐國盃外圍賽表現失準,目前在A組四戰兩勝兩負,只得六分排第三位,要殺入明年決賽周,餘下賽事非要醒醒定定不可。明晨主場迎戰土耳其,“橙軍”絕對一分都不能再失,爭勝決心大過天,料必將對手殺個片甲不留。
土耳其近年足球水平大幅下跌,主要原因係青黃不接,在小組賽四戰只得四分,基本上出線機會渺茫,比賽鬥心自然減弱,唯有盡力踢好每一場比賽。今仗作客面對實力明顯強於自己嘅荷蘭,實在難保不敗。初盤荷蘭讓一球,大踢進攻足球嘅“橙軍”值得信賴。
荷蘭今場雖有洛賓與雲佩斯兩大攻擊手因傷缺陣,但依然有足夠火力。亨迪拉亞仍具有一定級數;效力禾夫斯堡嘅當紮射手杜斯近十場德甲攻入十三球,狀態十足,首次入選國家隊,必會施展渾身解數。
土耳其近三次對住荷蘭全敗兼零得球,擺明被對手食住,球隊要逃出阿姆斯特丹談何容易。
推介:荷蘭3:0
足球評述員 Ben
留言