兵工廠讓波不“利”
唔好以為“阿四”冇人做,剩係睇英超爭呢個位都爭到頭崩額裂。除咗榜首嘅車仔稍為帶出外,由第二開始至第七嘅球隊,隨時都有可能大執位,所以今晚早場阿仙奴對利物浦自然成為焦點。
阿仙奴近期走勢都算相當強勁,各項賽事取得六連勝,只係在歐冠盃出局稍挫銳氣,唯有集中精力在聯賽穩住前四。今場遇上競爭對手之一嘅紅軍,勢必全力打壓對手。
利物浦當然亦不甘示弱,如果今仗全失三分的話,要爭上前四嘅機會就變得更加渺茫,肯定會與兵工廠力拼到底。初盤阿仙奴讓半球/一球,兩隊近年交手戰況激烈,雙方都無必勝把握,所以受讓嘅利物浦值得捧場。
首循環激戰二比二,兩隊殺得難分難解。由於當時紅軍佔有主場之利,自然取得較大主動權,廿七次攻門十中目標,多出阿仙奴四倍,若非兵工廠門將施薩斯尼屢救險球,紅軍應可擊退對手。證明阿仙奴對住利物浦,根本唔會佔到太大優勢,勝負就要睇臨場表現及發揮,和波應該最合理。推介:和波2:2
足球評述員 Ben
留言