拉素贏波搶坐阿二
【本報消息】羅馬在意甲坐了大半季次席終於讓座,拉素大炒恩波里四球,羅馬則被拖連奴逼和,拉素反以一分壓過羅馬坐上次席。榜首祖雲達斯則爆冷不敵榜尾的帕爾馬,二十場聯賽不敗告終。
羅馬作客拖連奴,入球要等至五十八分鐘,費奧倫斯操刀十二碼為羅馬領先,惜六分鐘後被主隊盧比斯扳平一比一,又失兩分。同市死敵拉素四分鐘已打開缺口,憑馬奧尼、高路斯、簡特利華及安達臣入球,四比○大炒恩波里後有五十八分,一分壓過羅馬升上次席。
意盃衛冕失敗的拿坡里為前四盡最後人事,以希古恩及卡利祖掛帥強攻費倫天拿,廿四分鐘憑梅頓斯開紀錄,隨後踢回穩守突擊,攻勢更入肉,七十一分鐘由咸錫射成二比○,卡利祖完場前埋齋三比○。拿坡里贏得爭阿四大戰,一分爬過紫百合升上第四。
老婦人爆大冷墮馬
榜首的祖雲達斯留力歐冠,作客包尾的帕爾馬爆大冷。祖記久攻不下,六十九分鐘被馬奧利射入唯一入球,聯賽六百卅五分鐘首次失球。祖記隨後換入摩拉達等加強攻力,仍爆冷輸○比一。祖記仍有十二分優勢。贏波的帕爾馬仍以十六分包尾,但主帥鄧納東尼仍歡喜若狂:“我們完成了不可能的任務,戰勝了榜首球隊,希望帕爾馬能繼續以好成績完成今季。”
留言