紅軍讓多難“紐”計
利物浦對上兩場聯賽先後不敵曼聯與阿仙奴,要爭前四受到重大打擊。聯賽只剩六、七場比賽,統帥“羅蛇”肯定死心不息,必會作出最後衝刺,明晨主場迎戰紐卡素,誓必狂攻對手,三分志在必得。
排第十三位嘅紐卡素距離降班線有九分之差,正式嚟講仍未坐穩船上岸。為免夜長夢多,攞得一分得一分,今戰作客晏菲路,相信唔會放軟手腳,必與紅軍力抗到底。初盤利物浦讓一球/球半,博紐卡素隨時可執半個盤。
利物浦今季十六個主場僅得八勝,勝率得一半,主場威力並非太過突出;球隊火力亦唔算太銳利,卅一場聯賽攻入四十五球,均場不足一點五球。實際上多名攻擊手仍未去到頂級班數,係輸蝕畀前四支球隊最大因素。不過,今場對手紐卡素實力只屬一般,勝算仍然較高,問題係能否贏多兩球。
計埋上場東北打吡不敵新特蘭後,紐卡素已經四連敗,球隊確要精精神神踢返場好波。今仗有哥洛仙尼與施斯復出,可以加強球隊制衡力,應未至於會大敗收場。
推介:利物浦2:1
足球評述員 Ben
留言