梁洛施孩子還小不心急拍拖
梁洛施早前接受有線節目《電影蒙太奇》訪問,宣傳新片《念念》。梁洛施說今次受電影的劇本打動,一段時間沒有參與電影工作,再次回到片場便要與男主角張孝全上演激吻戲份,她仍輕鬆面對:“我哋其實拍咗一至兩次就收貨,反而導演仲緊張,因為我同張孝全都係比較文靜嘅人,導演擔心我哋好難入戲,於是叫我哋拍之前錫一啖先。”
戲中飾演人母的梁洛施,為了讓兒子有更好的成長環境而離開小島。談到小朋友的重要成長因素,梁洛施分享湊仔心得。她說:“我覺得每日都係學習階段,做演員又好媽媽又好,都係不停學習。”梁洛施自小在單親家庭中長大,她說:“我嗰時會經常問點解,有好多憤怒嘅情緒喺裏面,但人大咗就慢慢學會放低執着。”被問感情經歷會否很難放下,她說:“放低咗幾年了,我個人一決定去做就做,唔會後悔做過嘅事。”她覺得三個小朋友年紀還小,不心急開展新的感情。
留言