車仔“曼”不經心
英超今晚上演“藍紅”大戰,車路士激戰曼聯。雙方首循環殺得難分難解,兩支死敵再度碰頭,肯定各不相讓唔衰得,激戰之下,和波應該最合理。
領先七分兼打少一場嘅車仔,只要在餘下七場聯賽攞多十二分,就可以重奪英超冠軍。相信“老摩”已經計晒數,精心部署攻略。特別今場迎戰曼聯及下仗作客阿仙奴,以老摩穩打穩紮的作風,先以不敗為目標,皆因齊齊失分,對車仔依然有利。
曼聯目前落後車仔八分,剩下六場波要“反車”奪標真係唔容易,但無論如何至少都要坐季望亞,更以打敗車仔為榮。今晚去到史丹福橋球場,紅魔鬼誓要立於不敗之地。初盤車路士讓半球,未打先贏盤嘅曼聯值博。
車仔雖然近三戰都能取得全勝,但贏得相當驚險,尤其上場對昆士柏流浪,搞到老摩一額汗,證明球隊保守踢法欠缺侵略性。反而曼聯近期開行火力,上場大勝曼城攻勢相當到肉。兼且球員信心十足,借助四連勝強勢,今晚鬥“車”完全未驚過。
推介:和波1:1
足球評述員 Ben
留言