汪雲離開三煞位

    議員力薦兩人替

    羅司坦率一哥讚

    感慨運輸範疇繁

    △交通死結難解，民怨日積月累，交通事務局長汪雲首當其衝，成為指責對象。汪雲月前自行提出不再續約，任期下月屆滿，搞到運輸工務司司長前日要公開招人坐這個交通事務局長的“三煞位”。

    離別在即，羅立文昨總結一連兩日施政方針辯論時忽然感慨，不點名讚賞下月離任的“同事”，“我以前不認識他，去年尾才認識，因為我一回到澳門，見十個人，有八個都係講呢位同事。經過四個月工作後，呢個人的職業工夫得到我的欣賞及尊重。他同我講離職的私人原因，我完全明白、完全接受，如果我係佢，我或者，都唔係或者，係好大可能做同一決定。”

    △徐偉坤讚揚羅立文有承擔而非“A”字膊，指他有太平官不當，偏要跳落五個“廚房”中最熱嘅一個，甚至有局長都無人願做。他推薦立法會內幾位能當局長人選，如高天賜熟悉行政程序，不當局長簡直就浪費，建議他毛遂自薦，笑言高天賜可以擔任交通事務局長一職；麥瑞權係專家學者，經常提出建議，亦是局長人才。但徐偉坤認為他們都不會去當局長，因為在立法會有人工之餘又可以鬧人，局長雖然有人工收，但要畀人鬧，相信大家都唔會揀。

    △馮強心口寫個“勇”字，有陣時發言確實夠“爆”。他昨日就狠批政府官員固執，“講句唔好聽，叫做‘自以為是’！”何事讓馮強生氣？原來是輕軌。“氹仔起輕軌，成條街圍封兩年有多，成條路面封閉晒，都只是做樁？為何不現場直接造橋面，而要在其他地方造預製件，簡直是多此一舉！”他建議司長“唔好再將輕軌分給幾間公司做，一於用粵澳合組，請内地施工隊來一腳踢，不要再搞咁多嘢啦。”

    △羅司兩日在立會爆連串金句，講到工務範疇事務太多，更搞笑道“你可以逼，我會盡量！”陳亦立大呼“好欣賞”。對於羅司忙到“星期一做到星期七”，陳醫生話要提個小小建議，“建議司長勞逸結合，長命工夫長命做，離島醫院綜合體能否建成，我哋靠晒你！”

    △橫跨兩個月、共十二日的施政辯論終於到劇終一刻，立法會主席賀一誠除了多謝議員全程投入，多謝傳媒、翻譯工作，更特別感謝羅司在最後兩天的施政辯論中放送不少笑彈，“帶給議員好大的歡樂”。“一哥”讚“司長回應好坦率，相信在座的議員都會好感慨，司長是實事求是處理本澳現時面對的問題！”羅司首次登場，卻一舉榮膺議會歡樂之星，連傳媒事前都估唔到！