維拉受讓收禮“物”
英格蘭足總盃四強今晚有第二場決戰,由阿士東維拉火併利物浦。維拉在今季英超踢到無影無蹤,長期在下游徘徊,目前仍要為護級而掙扎,其戰鬥力真係叻極有限,不過踢盃賽完全唔同踢法,一場過定生死,至少球員心態上與搏命程度都會大大提升,何況足總盃一向都係爆冷溫床,維拉對住實力較強嘅利物浦,“絕對係冇絕對”會輸硬畀紅軍囉!初盤利物浦讓一球,不妨冷敲維拉。
計人腳,維拉其實唔差,奇華利、冼佳亞、李察臣及辛達路斯等都係效力大球會出身,只係未能發揮出應有水準。不過球隊在上仗聯賽一球擊敗熱刺,無疑可以加強今仗鬥心。特別係攻擊手賓迪基,呢位比利時國腳近六場攻入八球,狀態勁到不得了,係維拉今仗食糊人物,紅軍防線不可不防。
利物浦在八強贏布力般流浪贏得相當艱苦,證明實力就算高些少,但盃賽一場過決戰,踢法的確有所不同,最緊要講球員拼勁。稍為睇低嘅維拉或會更加踢出加一波,紅軍要贏兩球先有純利,實在捧唔過。
推介:和波1:1
Ben
足球評述員
留言