艾爾切掃“皇”護級
艾爾切在上場護級大戰兩球擊敗榜尾的科爾多瓦,不單打破近期悶局,更搶得寶貴三分,不過雖能升上十五位,但仍未能脫離降班危機。明晨主場迎戰皇家蘇斯達,艾爾切仍要為護級搏命,爭勝決心毋須多講。
高不成低不就,皇家蘇斯達已去到遊手好閒階段,只係踢埋呢幾場聯賽等收工,所以在鬥心方面及球員嘅比賽態度,應該唔會有太大積極性,艾爾切係搶分最佳時機。初盤平手,揀硬艾爾切可以“達”成目標。
上仗作客擊敗科爾多瓦,對艾爾切嚟講的確相當重要,唔單止係救命三分,更可令球隊士氣得到提升。所謂乘勝追擊,對住戰意成疑嘅皇家蘇斯達,艾爾切一定會在主場發難,誓必向對手施壓,但求盡取三分博上岸。
皇家蘇斯達近三場只得兩和一負,上場被另一支護級分子拉科魯尼亞追和,整體表現踢得相當鬆散。且近十五場聯賽作客只贏過一場咁大把,作客戰績認真弱得可憐,毫無贏波本錢。主場唔使讓波嘅艾爾切唔捧就笨。
推介:艾爾切1:0
足球評述員 Ben
留言