皇馬讓波冇眼“體”
歐冠盃八強嘅馬德里市打吡上演大結局,兩隊只能活一隊。今場輪到皇馬主場,能否打破近九次對賽不勝馬體會悶局,就要睇“肥安”嘅對策。
馬體會上仗未能把握地頭之利取得領先優勢,明晨一戰肯定會更難踢。不過,球隊勝在對住皇馬踢得特別爭氣,每次碰頭鬥志都相當頑強,就算贏唔到都未必輸硬,對戰盤路更加贏皇馬成條街。所以初盤皇家馬德里讓半球/一球,一於繼續捧馬德里體育會九十分鐘內先殺盤。
皇馬因與巴塞爭個聯賽錦標爭到頭崩額裂,每場波都要去到盡,上場聯賽對住馬拉加終於“中招”,中場大將摩特歷與巴利因傷退下火線,今場與賓森馬一樣肯定做觀衆。仲有馬些路停賽。皇馬未能強陣出擊,勝算自然大減。
馬體會今季已經七次與皇馬交手,值得一提係將皇馬強勁嘅鋒力制衡得相當成功,令皇馬只在三場得四球進賬,另外四場食白果。馬體會嘅防守部署的確值得信賴,何況皇馬今場BBC組合冇咗兩個B,要贏真係唔容易。
推介:和波1:1
足球評述員 Ben
留言