西維爾難“堡”不敗
上季歐霸盃得主西維爾繼續展開衛冕之路,明晨殺到去俄羅斯嘅聖彼德斯堡,要衝入四強,今仗必須保住不敗。不過,聖彼德斯堡並非弱者,主場出戰更加惡到冇朋友,兼且首回合落後一球,今仗肯定加強火力博收復失地,西維爾陷入苦戰在所難免。雖則西維爾近六場作客取得五勝一和不敗,但山長水遠去到俄羅斯,天時地利人和盡失,恐怕難保領先優勢。初盤聖彼德斯堡讓平手/半球,捧主隊可以翻盤成功。
聖彼德斯堡基本已穩奪俄超冠軍,所以將集中火力攻歐霸盃。由於首回合有攻擊手侯克、艾維斯、守將基斯薛圖及施莫尼哥夫停賽,中場重心化素連又因傷缺陣,作客一比二落敗亦非戰之罪。今仗五大主力皆可復出,陣容完整下,可大大增加贏波本錢。
西維爾在各項比賽已保持十二場不敗,球隊狀態十足。不過上場聯賽作客尾二嘅格蘭納達,表現完全唔合格。尤其在防守方面,連續四場皆有失球,防線始終係球隊較弱一環,今戰實在難保不失。
推介:聖彼德斯堡2:0
足球評述員 Ben
留言