巴塞非“愛”不可
西甲爭標形勢已進入最後的衝刺,奪冠之爭非“巴”則“皇”。所以今日追緊榜首的巴塞,亦係巴塞羅那市嘅打吡戰,對手係愛斯賓奴,等於“大佬”打“細佬”。
愛斯賓奴雖然今仗有主場之利,但呢幾年對住巴塞都未贏過,近六次聯賽對碰更輸足六場,睇怕今晚對陣亦沒有好結果。巴塞目前只領先皇馬兩分,隨時一失足成千古恨,今場最緊要攞足三分,所以對住“細佬”絕對冇情講。初盤巴塞羅那讓球半/兩球,照捧巴塞“雙贏”,即贏波兼贏盤。
愛斯賓奴嘅整體實力,叫做比上不足比下有餘,近三場搶得七分後,基本可以正式宣佈上岸,餘下賽事可以大打風流波。但今場對住非勝不可嘅巴塞,肯定受到唔少壓力,防守力一般嘅愛斯賓奴實在難保不失。
強大鋒力一向都係巴塞嘅贏波本錢,MSN組合堪稱世界最強火力,而且入球依然保持高效率,認第二都冇球隊夠膽認第一。首循環巴塞曾經大炒對手五個一皮,似乎愛斯賓奴條防線見到南美三大殺手都驚到腳軟。
推介:巴塞羅那 2:0
足球評述員 Ben
留言