媒體
分類
新聞
黎明學張家輝怕被取笑
2015-04-28 16:51
早前公開瘦身秘方的黎明表示已經達到理想磅數，不需要再減肥。
昨日，黎明、蔡加讚等以大使身份出席「愛彼女皇盃賽馬日」，黎明手戴義賣錶，希望將收益撥捐公益用途。他直言很久沒來到馬場，問到他會否下注？他笑言也會買一點，但通常都會輸。早前，公開瘦身秘方的黎明表示已經達到理想磅數，不需要再減肥。
提到很多人讚他的「靜坐減肥法」厲害，但大家都做不到。黎明繼續發揮「金句王」本色回應：「冇自信嘅人係做唔到，上帝製造人類、製造機會，如果個個都用我呢招，咁咪冇人發明新方式囉！」被問到是否有靠運動減肥？他說：「運動要減完肥先做，唔係就會同阿諾舒華辛力加一樣肌肉暴脹。我都係做簡單嗰啲（運動），我又唔係拳手，拳手先要爆肌。」
黎明透露稍後將往台灣拍新戲，問到如果找他拍《激戰》，好像張家輝那樣會否有興趣？黎明就說：「首先要諗一諗會唔會被人笑，自己量力而為，我唔係要張家輝嗰隻，掉轉佢拍《甜蜜蜜》都會笑死人，如果張家輝要做轉體三周半踢交通燈，做出嚟都會被人笑，總之要睇劇本，唔可以自己睇到都笑唔停。」
留言