陶大宇肖像紅酒贈老友
陶大宇最新一集《我愛煮食男》中,找來蘇永康、劉美娟、駱應鈞及鄧特希幾位舊拍檔擔任嘉賓,一試其廚藝。
幾位老友一見面便雞啄唔斷,大宇談到促成今次的“好友飯局”時說:“駱應鈞將原定的旅行延期,配合節目拍攝,真係冇得頂。”為了答謝好友支持,大宇特意送上由澳洲訂製的肖像紅酒,他笑言:“有我個樣在上面,唔飲得都睇得。”他更親自製作有機果醬送給幾位嘉賓,希望他們保持健康活力。
蘇永康笑言:“今次是我們十五年再聚頭,非常難得,好似一家人大團圓咁。好彩大家仲保持得好弗,冇走樣。尤其係駱應鈞,永遠企得咁直!”
近年忙於電台工作的劉美娟說:“雖然好耐冇拍戲,但有時睇舞台劇或外國劇集時都會戲癮發作,如果有好劇本都有想拍的衝動。”
留言