再追“蝙蝠軍”
巴塞與皇馬爭西甲冠軍繼續你追我趕,餘下四場比賽分秒必爭。至於前四歐冠席位,同樣競爭激烈,特別係華倫西亞與西維爾,“阿四”之位呢兩隊爭崩頭。華倫西亞明晨將要作客華歴簡奴,祇要攞足三分,就可穩住前四位置,爭勝决心一定高於對手多多聲。
排第十一位嘅華歷簡奴經已成為“太子黨”,無憂無慮,今仗當踢場友誼波出身汗。大家既然都係“華”字頭,無謂阻人發達,不如做個順水人情,讓路畀華倫西亞。初盤華倫西亞讓半球,一於捧蝙蝠軍再殺盤。
華歴簡奴嘅主場戰績其實唔屬於合格,十六場聯賽輸多過贏,更值一提嘅係球隊防守能力超弱,共失六十一球,係西甲球隊中失球最多嘅其中一隊,今場對住攻擊力唔差嘅華倫西亞,預料必有所失。
華倫西亞爭勝本錢係前線擁有多名具質素嘅攻擊手,艾卡沙、尼格度、皮亞迪及菲治侯利等,上仗大炒格蘭納達都發揮出極佳狀態,為爭取下季歐冠參賽資格,蝙蝠軍今場志在必得。
推介:華倫西亞2:0
足球評述員 Ben
留言