洪天明喺微博宣布老婆周家蔚誕下細仔JT。
洪金寶表示第二個乖孫JT都係生得似佢。
洪天明與周家蔚繼2013年誕下大仔洪大仁(TJ)後,日前開刀誕下重七磅幾嘅細仔(JT),真係恭喜晒!再次榮升做爸爸嘅洪天明,難掩興奮心情,佢第一時間喺微博貼出BB嘅相,同大家宣布喜訊,佢仲扮細仔發文話:「大家好!我是JT,今天來到這個世界,請睇住細佬。母子平安,大家請放心。好想快啲返屋企見哥哥。 多謝大家的關心。」
再度做爸爸梗係開心啦!洪天明就話媽媽(周家蔚)同BB都好健康,不過媽媽就比較攰,要畀多啲時間佢休息。另外,再度榮升爺爺嘅洪金寶雖然身在內地拍戲,得知第二個孫仔JT出世後,就話非常開心,佢仲第一時間透過視頻見過乖孫。洪天明大仔TJ出世時勁似爺爺,今次第二個孫仔出世,會似邊個先?洪金寶就話:「都係似我,哈哈!」
留言